قصيدة الشاعر المعتقل في السجون القطرية بحق لبنان والمقاومة الثلاثاء, 02 شباط/فبراير 2016

هذه قصيدة للشاعر المعتقل في السجون القطرية محمد ابن الذيب العجمي ,,


المشكله ماهي قضية فلسطين ..
المشكله لبنان راحت وراها

البيت هذا في ضميري من سنين..
يطرق على مسامعي ويتناهى


من كثر ماشفنا من الذل بالعين..
لو تمرض العينين قلنا عساها


والله مافيها بعد واحد اثنين..
يما حياة العز ولا بلاها


ان كان مانسمع بوسط الميادين..
تكبيرة ياصل لبوش صداها..


لكن نصر الله حسن يامساكين..
اروى الكبود اللي ذبحها ضماها..


وليد جنبلاط قد له سنتين ..
لس له بضد الحرب ولا معاها


مبسط مابين خضر البساتين..
يجامل امريكا ويكسب رضاها


ياآخي مدامك ماتبي تقول آمين..
لاتعزج العالم وتقطع دعاها..


الحرب اصلا من قبل عصر رابين..
لاتقول حزب الله هو اللي بداها


ودامك ماشا الله فاهم فا القوانين ..
قل لأوزر امريكا لجيتو زراها


فرعون مايعبده غير الفراعين..
لاتنتقد الاشخاص حسب انتماها


تمدهم ايران او سوريا زين ّ!!! ..
يهود تل ابيب من اللي عطاها؟؟


اصحابك الغر الكرام الميامين ..
اللي على الاسلام دارت رحاها


ولبنان ماهي صوت فيروز والتين ..
ولا ردوف اللي ماشا الله علاها


لبنان تاريخ العروبه من سنين..
مسيحها والسنه وشيعاها


من صيّف بلبنان قدام شهرين..
ساعة ماجات الحرب راح ونساها..


مشاعر الشيعه مع السنه الدين..
مادانها المسيح واللي سواها


والناس منقسمين في الصوت قسمين ..
قسم مايبغاها وقسم بغاها


ولمقاومه حق وشرع حقها الدين..
والناس من دون ارضها او سماها


حنّا مع الشيعه ترانا شيعيين..
اهل المعزه كل ابونا فداها..


من قبل عام الفين ومن بعد الالفين..
ماحرر الجنوب الا دماها


عيتا ومارون الراس للحين للحين..
وهي اتفاخر والعديسه اتباهى


وميس الجبل صوّت على الطيبه ابزين..
قولي لكفر كلا لاتخشى عادها


ولو شفت بنت جبيل يانصر حطين..
انصار اصحابك كأنك تراها


ونصر جبل عامل وامجاد شيحين..
ولواء غالوني دفن في ثراها


وكل الطوايف من غلاها مضامين..
قلوبهم متوحده من غلاها


تتبجح اسرائيل على هل جنين..
وعلى عرب غزه بكثرة دهاها


وتقول حن مليون وانتوا ملايين..
وفي ستة ايام العرب من كواها


ولمقاومه في شهر وآخره الاثنين..
الله نصرها لانه اللي اصطفاها


لبنان لو نبعد ترانا قريبين ..
اقرب من اشناب الرجال الل لحاها


بالمال والاحساس ولا الله يعين..
لانك ارض الكرامه وثراها..

blink     digg     furl     furl     furl     deli     BlogMarks     Magnolia     StumbleUpon     Google Plus

أضف تعليق


كود امني
تحديث

Template Design:Dima Group